दक्षिण कोरियाबाट प्रकाशित पहिलो अनलाईन पत्रिका

दक्षिण कोरियाका लागि नवनियुक्त महामहिम राजदूत श्री कमान सिंह लामाद्वारा आज एक समारोह बीच दक्षिण कोरियाका राष्ट्रपति ली म्यङ बाक् समक्ष आफ्नो ओहदाको प्रमाणपत्र बुझाउनु भएको छ ।

प्रत्येक बर्ष मनाउंदै आईरहेको ईन्छन् एसियन फेष्टिभल यहि मे १३ का दिन भब्य रुपमा सम्पन्न भयो । लुम्बिनी भ्रमण बर्ष २०१२ को बिशेष परिचय दिने उद्देश्यले उपसमिति कोरियाको तर्फबाट नेपालका बिभिन्न कलात्मक बस्तुहरु तस्वीरहरुले नेपालको स्टल सजिएको थियो । सो दिन भएको साँस्कृतिक कार्यक्रममा नेपाली नाचले उत्कृष्ट हासिल गरी प्रथम भएको थियो भने मिनी फुटबलमा नेपाल दोस्रो भएको थियो । फोटोः नेपाल कोरिया न्युज ।

मलेसियाको क्वालालाम्पुरमा यही मे १४ देखि २३ सम्म ७० औ क्योरिगी तथा १६ औ पुम्से ईन्टरनेशनल रेफ्री सेमिनारमा INTA KOREA शाखाका अध्यक्ष यादव कुँवरले दक्षिण कोरियाको तर्फबाट सहभागिता जनाएका छन् । मलेसिया तेक्वान्दो यसोसियसनको आयोजना तथा बिश्व तेक्वान्दो महासंघ WTF को तत्वाधानमा आयोजित सो सेमिनारमा बिश्वका ५० राष्ट्रका २६० जना रेफ्रीहरुको सहभागिता रहेको छ भने कोरियन ख्वन् योङ दलका साथसाथै नेपालबाट नोर्बु लामा हिरा बहादुर थापा मिन न्यौपाने भिम लाल बिक र राजु खड्का हङकङले सहभागिता जनाएका छन्।

यहि ८ मे २०१२ का दिन बेल्जियमको पर्यटकीय सहर ब्रुजको DE KORF सभागृहमा अध्यक्ष डिल्ली सुब्बाको अध्यक्षतामा किरातहरुको तेस्रो अधिबेशन साथै किरात चाड उभौली भव्य रुपमा सम्पन्न भयो । कार्यक्रममा बेल्जियम भरिका किरातहरु राई, लिम्बु, याक्खा, सुनुवारका साथै अन्य सामाजिक संघसंस्थाहरुका प्रतितिनिधिहरु र अन्य गैरकिरातहरु समेतको सहभागिता रहेको थियो ।

कास्की बाढी पीडितलाई सहयोगः सेती नदीमा आएको भीषण बाढीबाट पीडित भएकालाई सहयोग गर्न रेडियो अन्नपूर्णले खडा गरेको राहत कोषमा, नेपाल कोरिया व्यापार संघ कोरियाका अध्यक्ष मदन केसीको पहलमा संकलित ५१ हजार रुपैयाँ रेडियो अन्नपूर्णका स्टेशन म्यानेजर दीपेन्द्र श्रेष्ठलाई हस्तान्तरण गर्दै केसीकी धर्मपत्नी सृजना केसी ।